Bann Proze Aktiel

Gras a soutien “National Social Inclusion Foundation (NSIF)”, MPRB inn resantre so laksion devlopman kominoter avek enn lapros pli global ek inklizif: Integrated Education Support Program for a Better Future.

Sa proze-la soutenir bann zanfan dan devlopman zot skolarite ek osi zot bann paran a traver plizier program kouma :
– Soutien kominoter pou ledikasion bann zanfan lekol maternel
– Soutien extra-skoler pou bann zanfan primer ek segonder
– Soutien pedagozik ek sosial pou bann zanfan ki ena ant 12 ek 16 an ki’nn aret lekol;
– Formasion ek plasman profesionel pou bann zenn ki ena 16 an ek ki pa ankor ena kalifikasion pou travay, ek
– Edikasion lor lavi familial pou ed bann paran lor kouma kapav soutenir bann zanfan pli bien.

Bann obzektif-la konform a “Priority Area 2” selon “La Charte de la National CSR Foundation 2018” konsernan “Educational Support and Training” ek “Goal 4” de bann SDGs de Nations Unies, pou asir enn edikasion inklizif ek ekitab ek osi pou promouvwar bann posibilite aprantisaz pou tou dimounn tout long zot lavi.