Email admin@mprb.mu
Phone Number (+230) 240 41 48

Ki nou ete

Nou mision

  • Milit pou respe bann drwa fondamantal bann abitan Roche-Bois ek so vwazinaz.
  • Amelior nivo ledikasion dan landrwa ek dan so vwazinaz
  • Kontribie pou devlopman sosio-ekonomik ek anvironnmantal dan Roche-Bois ek dan so vwazinaz ansam avek bann abitan.

Nou lekip

Direksion

Lindsay Réginald Morvan
Prezidan
Richard François Navette
Vis-prezidan
Marie Géraldine Anna Baptiste
Sekreter
Veedye Lutchmee Carpen
Asistan-sekreter
Gaëtan Sylvestre Etiennette
Trezoriye
Jérémie Bruno Manoula
Asistan-trezoriye
Marie Antoine Suzy Khedoo
Manb
Marie Molly Shanen Dinally
Manb
Marie Charlène Wendy Elisa
Manb

Staf

travayer sosial - full time
0
ofisie liezon - part time
0
personn resours - part time
0
volonter
0

Nou bann afiliasion

Mauritius Council Of Social Services (MACOSS)
Observatoire de la Parentalité de l’Océan Indien
Adolescent Non-Formal Education Network  (ANFEN) 

Nou bann partener

Nou sant

Gras a boukou zefor ek determinasion, MPRB inn reisi konstrir, lor enn terin bay lwe avek leta, enn sant kominoter anplin dan zonn rezidansiel Cité Roche-Bois. Zordi nou sant pe permet nou organiz tou nou bann program devlopman kominoter ek fer osi bann aktivite pou bann zanfan, pou bann zenes ek pou bann fami dan landrwa. Nou sant akeyir osi bann lezot organizasion pou zot fer zot bann aktivite kan lespas-la apropriye ek disponib.
Pou permet bon deroulman nou bann aktivite, nou sant ena enn lasal konferans, enn lasal informatik, enn lespas sportif/fitnes, enn lakwizinn ek bann lespas pou travay. Nou fer bann aktivite deor anba enn preo ek enn lespas kouver dan lakour deryer batiman. Nou ena enn zardin–potaze dan lakour ki permet bann zanfan konpran kiete-sa travay later ek platation legim ek li rant osi dan kad enn proze a long-term pou lotofinansman MPRB. Sa proze-la li osi kouma enn lexanp zardin-potaze ki kapav inspir bann abitan fer parey kot zot.

« Rann to prosin ere, lerla to pou konn le boner.! »

Bann dat inportan

Manifestasion pasifik ki finn amenn kreasion MPRB
“Patatrak Boum”, ki ti premie proze pou permet lexpresion kreatif pou 50 zanfan lekol primer Roche Bois.
Proze “Teen Hope Roche Bois” pou bann zanfan ki’nn refer zot CPE (lexame lafin sik primer) de fwa.

MRPB inn pran nesans an Zilie 1993 apre enn lamars pasifik bann abitan Roche Bois kont kreasion enn garaz minisipal dan plas enn lekol maternel ek enn zardin zanfan.
Sa mobilizasion-la inn permet bann abitan fer enn priz de konsians kot lerla zot inn desid pou met lame ansam pou amelior sitiasion sosio-ekonomik ek politik zot landrwa ek sirtou propoz enn meyer kondision lavi a bann dimounn ki res dan Roche Bois ek dan le zanviron

MPRB pran responsabilite sekretaria nasional Southern Africa Human Rights NGO Network ( SAHRINGON)

“Projet d’Accompagnement Social et Scolaire – PASS 2001” ki finn ankadre 176 zanfan 4em ziska zot CPE (lexame lafin sik primer).
“L’école des Parents” proze formasion bann paran pou ki zot kapav akonpagn zot zanfan ki ti dan proze PASS 2001.
“Ensemble Construisons Ton Avenir” program spesial pou 11 lekol maternel Roche Bois pou zot kapav bien prepar pasaz bann zanfan dan lekol primer.

Depi 1993, MPRB inn realiz plizir proze avek soutien finansie bann organizasion lokal ek internasional pou amelior nivo ledikasion bann zanfan landrwa ek inn met an plas bann program ki’nn permet bann fami vinn otonom pou ki zot sorti dan sitiasion povrete :

-Proze akonpagnman skoler pou bann zanfan lekol primer
-Program ledikasion pou bann paran
-Kour alfabetizasion pou gran dimounn
-Formasion lor bann drwa imin
-Proze pou soutenir bann fami.
“Waste Disposal Scheme Project” ki ti viz a promouvwar resiklaz plastik.
Club de l’Espoir, enn proze pou ankadre anviron 60 zanfan ki viv lor lari.
Letid lor sitiasion ekonomik bann fami ki benefisie bann program MPRB dan domenn ledikasion.
Zenes Lalimier, proze soutien pedagozik ek sosial pou 25 zanfan ant 12 ek 16 an.

De 1999 a lane 2004, MPRB prezan lor nivo rezional ek internasional kan li ti ena responsabilite sekretaria nasional Southern Africa Human Rights NGO Network ( SAHRINGON), ki enn rezo organizasion militan pou le respe bann drwa imin dan rezion Lafrik Ostral.
Alor ki li ti o depar enn mouvman kartie tradisionel, MPRB inn transform li pandan sa 20 dernie banane la an enn organizasion kominoter bien dinamik ki travay pou bann zanfan ek fami dan Roches Bois ek dan le zanviron. Dan enn demars pli global bann program inn vinn pli integre pou enn meyer efikasite dan zot linplemantasion.

“School Support Programme” proze ankadreman pou 100 zanfan ant 11 ek 18 an depi bann fami vilnerab pou devlop zot kapasite pou aprann ek exprim zot konesans ek savwar-fer.
Lansman « Académie des Parents « pou reponn a bann bezwin bann paran afin ki zot kapav ankadre zot bann zanfan pli bien.
“Social Support Program” proze ki konsern 70 zelev lekol primer, 25 madam dan sitiasion difisil ek 30 zenes ki’nn aret lekol.
“Integrated Education Support for a Better Future” proze ki soutenir bann zanfan ansam ek zot fami dan diferan letap zot skolarite.

MPRB, 28 an langazman pou la kominote.